好彩開完會, 食埋飯都趕得切番o黎, 同你慶祝生日啫...
快樂快樂...
經過差唔多通頂狂玩之後....發覺真係冇買錯部Wii...(不過多o左兩粒暗瘡...)
點知...夜晚同朋友食飯, 傾開原來已經有另一pair人有wii, 隨時可以帶埋手掣去佢屋企一齊玩....
講到興起, 另外兩pair又話想買....打鐵趁熱, 於是乎3pair人一齊去黃金, 我o地就順便買多隻 '賤兔'.
唔到15分鐘, 就o係人o地臨收工之前一次過掃走o左兩部機, 兩set extra手掣, 同埋5隻碟-----成8千幾蚊!!!開心死個老闆....
咁啱, 呢兩pair friends同我o地一樣都係有兩隻狗o係屋企....等緊主人番o黎...
自始之後, 呢個世界又多o左6隻d主人掛住打機, 無人理, 無人照顧嘅可憐狗狗喇...
正宗酸辣湯, 腐乳肉, 醉乳鴿, 火腿菜心, 臭豆腐, 炒鱔糊...好有可能隨著尖沙咀嘅老滬江嘅所謂'裝修'而消失了...
自從幾年前times square果間重新裝修, (連第一次見家長都係呢度...)走hip路線之外, 人, 麵 皆全非...感覺變得不倫不類, 食物也一樣如是...'桌'頭十足, 實力靠'篤'...甚至連d酸辣湯嘅味都唔同埋...
好彩, 果時仲有灣仔同尖咀分店; 可惜, 冇耐灣仔又執, 尖咀果間而家又話裝修, 一間老牌上海味, 連d伙計都操上海口音嘅正宗滬菜館, 睇o黎又會變o左我嘅集體回憶咯...
希望裝修後唔係好似我咁諗...變o左又一間'hip'上海cafe啦...
睇o黎...我真係開始老喇...
呀妹o係做緊實習Dr. Pet之際, 擒日去考埋Dr. Dog, 做晒內外全科狗醫生....
....mmm...呀妹呀, 老豆同你換住位先得唔得呀??
Coco, milky 個契細佬........toy poodle - 波仔 (大埔 jean paul)