又多個契女添...

波仔呀媽落街食餐飯, 一個唔覺意就俾佢o地揀到隻poodle女, 快刀斬亂麻...

就係咁, 我o地又多個契女喇....

各位觀眾...波仔個妹, 豬女是也!!!

女仔真係特別嬌嗲, 一抱佢就起勢咁o錫咀...冧死...

睇o下佢瞓o係爸爸度個樣...真係超可愛...

嘩, 波仔大個仔喇, 大隻得o黎又冇以前咁喪; 健健康康, 毛色一流, 而且兇佢都識驚, 唔敢亂o黎...good boy, 抵o錫

蛋糕編

老婆整開蛋糕有舖癮，呢次仲同埋姨仔ｏ係我屋企大閙厨房添．．．

不過今次ｄ甜品又確實係幾好味，　賣相仲大有進步添

呢個雜果蛋糕，真係有ｄ水準！！　冇晒ｄ士多啤梨葉，仲有ｓ糖廂ｏ係面；食落蛋糕比之前鬆化得多，賣相同味道都唔錯．

呢個桃＋藍莓甜餅就真係驚喜喇，加ｏ左ｄ提煉奶落ｄ料入面，餅面鬆脆，中間鬆化，直頭可以捧出街擺檔賣

５個人食到咀'lamb lamb'　想唔肥都唔得！！！

日本有咩好食-1

日本有咩唔好食吖???

下面呢d都係去親日本就必要去嘅...

燒肉dondon, 牛肉燒烤專門店.  牛肉主打, 入面d牛肉分部位分得極細緻, 隻隻都質地唔同, 口感唔同.  有肋肉, 肚, 脷, 腸, 嫩上腰肉, 里脊肉, 臉珠, 胃, 連橫隔膜都有得食...總之乜都有!!

 

呢張menu有英文o架, 不過而家好似冇咯....

yummy!!!  東京歌舞技町有一間, 大阪有兩三間.

 

呢間好多人都試過喇, 不過真係唔講唔舒服, 皆因食完果件toro之後, 真係好食到出唔到聲!!!  東京必去, 就算等個幾鐘都抵!!  不過一定要早d去, 中午後收工o架啦...  (築地)

 

有英文menu, 仲有set同散叫添!! 

唔等得, 去隔兩三間嘅大和啦!!  唔係唔使等,時間短d啫...

 

去開北海道, 呢間拉麵館就一定要試喇, 正宗麵豉湯底, 仲有當地拉麵必有嘅牛油一大塊.....肥死不過好味...

間唔時仲會有d海鮮拉麵, 有成隻毛蟹, 或者幾隻蟹腳o係面o架...真係流晒口水!!  (sapporo grand hotel對面)

 

'不倒翁'成吉思汗烤羊肉店...唔使講啦, 就算唔好羊都食到'lamp lamp'脷.

地方雖然細d, 不過元祖店仍然最好風味!!  (薄野站附近)

 

近期滿意之作s...

 

 

目黑-食o左唔止目黑, 面都黑...

有讚一定有彈.

前一排見到報紙寫目黑壽司係人氣壽司店第一位, 於是即管去屋企附近果間試o下, 結果真係嚇死人.

果日係weekday, 客少, 少到d壽司師傅同d知客一齊o係門口吹水....未入門口已經知冇乜客.

入到去, d員工一般都係廿幾歲嘅後生仔女, 不過就實在散慢過d退休呀伯.

壽司吧內外一個人都冇, 心知不妙, 坐定之後再望清楚, 有個壽司師傅竟然坐o左o係其中一張枱度同緊對面個收銀打NDS!!!

睇o下佢側邊果張下午茶餐牌, 擺到"咩"晒都冇人理...

 

出得o黎行,預o左要還; 入得o黎坐, 俾個面, 即管食d啦...

叫o左牛肉拉麵同日式煱蛋牛肉煲仔飯,

初初睇落去唔差, 聞落去都幾香; 不過食食o下發覺唔多對路, 愈食愈似中式嘅豉椒牛河feel.  再食發現兩樣o野其實都係一樣味, 只不過係麵同飯嘅分別....

真係俾唔落分.

個人o黎講, 冇下次, 絕對唔會再俾人搵多次笨!!

隱世yummy西餐廳

個個朋友都知我鍾意食...睇身型都知啦...

有人埋怨我點解咁少o係個blog度分享o下d食經, 無論好與壞, 公告各方好友都好吖....

好!  就勤力d, 寫多d公諸同好啦...

 

o拿, 呢度食肉獸必定冧喇, 特別係鍾意食牛/羊肉, 牛/羊扒等. 

鬼佬老細做開肉食批發, 做做o下開埋凍肉舖同餐廳仔, 全部都o係將軍澳坑口村, 泊錶位好方便.

大部份食材都係從澳洲番, 除o左肉食, 扒類外, 仲有新鮮生蠔, 青口同蜆; 最近老闆o係澳洲引入o左特級aurora lamb, 肉質勁嫩, 肉汁特多; 皆因d羊係食最天然同最正嘅tasmania草同穀粒.  6成熟一流!!  最緊要係羊肉羶味較輕, 大人細路都會鍾意.

lamp rack - $198

sauteed clam with cream source - $108

australian oyster x 6 - $98

仲有...呢度冇加一o架!!

巴塞o係我屋企樓下練波!!

伊度奧 + 細哨

仲有亨利添

 

迷你西瓜

貪過癮，買ｏ左過日本迷你西瓜，貪佢夠ｑｔｅｅ！

點知都係不外如是，多核又冇乜味．．．下次都係咪制