新玩具...G9

部sony傻瓜機實在太差, 忍無可忍, 決定換機...

好彩出o黎d效果都唔錯, 咁黑都映得ok!!

                                        

 

雜訊控制幾好...

o係屋企映狗都幾夠光喎...落o左zoom都好清!!

而且仲有微距玩...

傻瓜機o黎講, 真係算係咁, 係就係厚d, 重d, 不過多o野玩, 質素高就補番晒啦, 總好過得物無所用

都叫o左咪陡錢o架啦...

不過都真係幾靚嘅...丁橋

中秋節快樂!!

嘩! 今年中秋, 有月餅, 有生果, 有茶葉, 有傳統兔仔燈籠; 仲有新潮kitty燈籠同coco媽自家制嘅狗狗月餅添....

狗狗月餅入面係雞肉+南瓜饀...人都覺得好食...yummy...

家陣真係做狗好過做人囉....遲早連我都要食埋狗糧喇...

 

                    

anyway, 中秋節快樂, 人,月,狗三團圓啦!!

同同事去澳門見客...順便...

周圍行o下, 映o下....

發覺原來好耐冇o黎過氹仔...

豬扒包周圍...人龍依舊, 面目全非...

冇晒d爛屋, 冇得租單車...係企理o左, 但風味全失...

                                        

  比較完整嘅死剩種...

客人o係威尼斯人擺show, 十幾廿年未去過賭場, 即管睇睇先...

  門口 : 大, 金碧輝煌...       

                                           

                                           天花都靚過人...

個商場好大, 有d似paris 嘅 concord區,

 

又有d似威尼斯, 更加抄晒vagas caesar palace 嘅天空天花板...

場內仲有表演...

又有歌聽...

                            

當然仲有其他真人show啦

 

                               o係香港執o左9世嘅謝利源, 重現威尼斯人...神奇!!

                               

咁耐冇賭過, 試試手氣先...

個場大到睇唔到盡頭!!!

                            

入面冇分食唔食煙, 不過唔算好多人, 有部份枱仲拍緊烏蠅添...ok舒服.

 

勝在50蚊都有交易, 用o左5百蚊做本, 玩到輸剩50蚊, 諗住玩多舖, 財散就人安樂; 點知連中兩舖點數, 埋單倒嬴50蚊

3個人都嬴, 齊齊鬆人食飯去

明知誠昌轉o左手, 冇咁好食; 但一戒就8年, 即管當唔記得之前d味道, 俾次機會佢啦!

蒸雞, ok啦...賣相爭d, 唔太滑...70分

 

                                                    豉汁蒸鱔, 幾好, 味道有8成半似...80分

田雞蚧粥, 蚧ok, 田雞冇乜味...粥底幾好, 75分

 

總體都食得過嘅...係同之前冇得比o架喇...以前仲呃我話唔係轉手添....番o黎再食真係俾足面!! 成三百幾蚊喎

賣飛佛 - 1, 威尼斯人映.

好有電影感, 同事表情都好ok

賣飛佛 - 2, 氹仔舊區映.

平靜, 懷舊, relax, 閒逛,從來就係澳門嘅最可愛之處.

 

賣飛佛 - 3, 好映相佬, 好似好浦啡唇奴... 

紙醉金迷, 花哩花碌 vs 純樸友善, 懷舊輕鬆;

我選擇後者. 

奈何經濟發展, 犧牲在所難免!!

賭業嘅吸血鬼形象 vs 廿年前嘅香港地產商

有啥分別?!