Wednesday, August 27, 2008

嘩...靚仔一個...

cute 爆期with迷人腰果眼


指天篤地期-油脂始祖



靚仔可愛期...


斯文怕醜期...



過度活躍期, 仲開胸添...


唔...開始變形期...


噢...阮兆祥型之孖潤腸期


嘩, 一睇對單眼皮, 就知係呀RAIN期啦...


               


                                     憤怒少年, 許志安期...嘩! 靚仔到吖...


熱血青年期...總算好番d囉...


似番個人期


大好青年期



成熟穩重期


                           


                                        如花-無聊搞笑期


有型有款期  


 


 

Tuesday, August 19, 2008

一頓美味嘅膽固醇餐...

從來最冇益嘅食物就係最美味嘅, 為o左食, 又係用番 '間唔中食一次, 冇事嘅...' 呢個藉口...


先o黎一碟'大哥义燒'...



                                                            半肥瘦, 皮脆兼薄, 不過d油就...


聖子到....呢碟應該好少少, 不過聖子熟o左d...唔緊要啦, 都係想食d蒜蓉粉絲啫...



                       好彩仲有碟菜溝淡吓, 但好戲在後頭...


                                                  膽固醇之霸....




                                    12兩嘅黃油蟹, 究竟有幾多 '果叻士他爐' 呢??


埋單前有杯o野送, 呀姐話係甘荀+檸檬, 有助減低膽固醇喎...9秒9, 一飲而盡!!



一句到尾 : 下次仲食唔食??? 仲問, 開定位等我啦!!!


SPECIAL THX. TO COCO MA.

Friday, August 8, 2008

由細食到大嘅茶餐廳...

老家樓下有一茶餐廳, 打從小學開始, 已經光顧此店.  現在雖然不再住附近, 但一有空檔, 仍舊專程幫襯.


       


一間茶餐廳, 能夠經營超過四十年, 當真不易!!  肯推陳出新, 設計出如此新穎logo, 更加值得一讚!!



室內已裝修過數次, 但仍舊保持其地道街坊風格.  (圖中收銀呀姐其實係太子女, 由十幾歲坐到而家, 仔女都已經十幾歲...)



記憶中餐廳最初只有此三個套餐, 不過其實午餐=特餐=茶餐=可以亙換也. 
(以往好似只收15蚊...凍飲+5毫...)


現在選擇固然多, 但最後點的還是老套餐...


雞湯火腿媽通粉...濃淡適中.



一隻熱狗, 沒有一級麵粉做嘅麵包, 沒有粗大香腸, 沒有名貴醬料, 普通過普通; 但麵包脆, 香腸熱, 沙律醬香, 仍是美味無窮!!!



                           傳統與新穎之crossover. (新果d未試過, 唔知好唔好食...)


 

Wednesday, August 6, 2008

特色街坊甜品

筲箕灣小店翠苑, 有如此特色甜點. 


別以為中間的一點係污嘈o野, 其實係燉奶入面, 暗藏嘅合桃露!!!


燉奶既香且滑, 半固體中間夾有流質嘅合桃露, 出奇的'夾'!! 


除了合桃露燉奶之外, 還有芝麻糊燉奶, 一樣好味...十幾蚊, 剩計手工都抵啦!!


唯一美中不足係, 一碗而盡也實在是太飽了....