第一次...

2000年, 係值得記念嘅一年; 除o左係千禧年之外, 仲係我第一次擁有自己心愛嘅車...

呢架就係我當時最鍾意, 死慳死抵o左幾個, 之後仲要月月供嘅 三菱pajero io喇...

紅色幾sharp!!

我就係鍾意佢嘅內襱夠cyber!!!

雖然空間細d, 不過已經好夠用...

至於力量就真係爭d喇...唔緊要啦, 我又唔係飛車一族...型就得啦!!

車天車地

男仔關係, 由細到都鍾意車.

細細個一落街就要老豆o係樓下買火柴盒車仔, 番屋企就用雪櫃入面嘅冰格o黎當停車位咁放晒d車入去...

4, 5歲d就有架3輪車, 後尾仲多一架紅色嘅腳踏私家車添...日日就o係出面條走廊風馳電際...好不興奮.

大個o左, 反而要到廿幾歲先儲夠錢學車, 好彩一take就pass, 而當時份工又啱啱有唔同嘅車俾我揸; 就係咁, 俾我累積o左十幾廿架唔同車嘅handling, 同埋超過十年路面經驗喇.

直到而家, 成家立室, 呢舖癮始終都係甩唔到...

our b...4

已經4個多月了, 媽媽嘅唔舒服反應開始減少, 食o野都開始穩定落o黎了...thank god.

下晝再睇醫生, 今次bb好乖, 肯俾人睇o下唔同嘅角度, 最後醫生確定o左係囡囡, 我倆都非常雀躍. 

仔/女對我o地o黎講真係完全冇所謂, 不過心裡面一直希望先有個囡囡, 因為如果生仔的話, 同我以前屋企差唔多, 冇咩新鮮感; 而且做爸爸嘅我, 係enjoy俾個囡嗲嘅...再加上自己真係未必可以建立男仔嘅好榜樣, 佢頑皮時我都會癩/玩埋一份, 咁就激死呀媽咯 ; 相反, 如果生女, 媽媽,嫲嫲,婆婆同太婆都應該可以管教得貼貼服服...而我就當然係負責同佢玩啦...事實上, 囡囡如果生得似媽咪, 我都ok開心o架, 當然仲要似我咁醒啦...

做唔到繼後香燈嘅任務, 相信d封建時代思想嘅長輩點都會有d唔開心, 不過有我兩公婆o錫晒, 一定補番數有突...囡, 放十二萬個心!

就係呢部機, 俾我o地了解到bb嘅一舉一動.

                                                               準備檢查喇....有d緊張添...仔定女呢?

      bb比起一個月前大o左,重o左呵...鼻鼻都好高o下喎...仲見到手仔添!!

驗埋血, 一切都好正常呀, 真係感謝天父...

因為要迎接小生命嘅來臨, 實在有好多事情需要張羅, 生活模式亦開始改變...對於一向比較自我中心, 自由自在嘅我o黎講, 身與心嘅挑戰都非常艱巨.

不過每當再次覆診, 見到bb一日一日長大, 成形嘅時候, 推動力就會隨之而來.  相信我o地一定可以盡力迎接呢個家庭新成員嘅!!!  同志們, 努力加油!!!

 

 

 

甜品制作

無聊關係, o係屋企搞o下o野先...

大家都鍾意食甜品, 就等我出手整'心太軟'啦!!!

睇o下d架撐幾齊全!!!!

搞匀d料先...

再溶埋d朱古力...

搞掂!!

 

焗完攞出o黎, 睇樣就ok喇, 點知....

                 心太軟變o左心太硬...成舊brownie咁...得果dd流質....失敗!!

谷鬼氣, 唯有整過另外一款....鮮奶焞蛋, 哈, 反而ok喎...都算有d安慰!!!

our b...3

第3次覆診, 已經係11個星期啦...

成個bb型出o左o黎喇...而且仲好姿柔,好舒服咁瞓o左o係度添...

 

                                有手仔同我o地say hi 呀!!

                                                                         連腳仔都show埋.... 

                  

 

平時睇教科書就睇得多喇, 今次都係第一次見個瞓得咁四正嘅bb...四正到連仔定女都未睇到...不過唔緊要, 仔女我都咁o鍚...

 

bb就舒服喇, 不過呀媽咪就辛苦咯, 呢排愈嘔愈勁, 好彩醫生俾o左一個星期假俾佢休息o下啫...希望慢慢會好d啦...

唔能夠同老婆分擔呢d辛苦, 真係無奈, 我會努力做好其他家務o架啦!!!

our b...2

今日, 第2次去見醫生, bb已經7個星期囉...照ultra sound時, 竟然聽到bb嘅心跳聲....'卟卟...卟卟...' bb已經有生命了!!!

好感動之餘,仲叫醫生俾多次我o地聽添....

雖然媽咪覺得個胃成日頂住, 又想嘔...不過醫生可能覺得實在情況好正常, 所以都冇咩o野好講...一個月後先再見咯...

 

對我o黎講, 真係有一個幾震撼嘅感覺...亦都開始知道點解呀媽成日都話懷胎十月辛苦...多謝媽咪...

our b...1

睇完呢段blog之後, 大把朋友都係呢句...'你都有今日囉...' 多謝各位

老婆呢排有d夢熊跡象, 共識下去藥房搵d捧捧試o下....點知...六合彩又唔見咁易中...

又驚又喜, 咁啱老婆朋友啱啱生o左bb, 效果唔錯, 醫生-尹鎮偉個人都幾nice.  於是即管試o下去睇.  去到診所, 係有d另類, 不過冇平時果d咁cool...感覺上亦幾warm,幾high-tech.

                         

即時照超聲波, 原來已經有5o左個星期....疑似production date係1月30日, 即我o地結婚3周年!!  真正係慶祝後遺症...

         

始終都係gift from god, 應該係開心多d嘅....不過一時間真係接受唔到....而且對將來好似有d失措...唯有見一步, 行一步啦...(不過連醫院都book埋位lu...)