好耐冇去過囉...今次坐元祖店...風味一流!!
豬泵兜撈丁...啱你食啦!...哈哈!
懷舊咖吔西多!!
舊茶餐廳地上例牌出現嘅動物...
Saturday, July 12, 2008
High Tea@MO
VIEW? 欠奉...
呢個擺設反而幾好!!
muffin 都幾好食!!
係唯一service就爭d喇, 話說點o左凍奶茶,佢就o黎o左凍檸茶....
唔啱咁就叫換啦, 一分鐘之後就話都冇咁快搞掂攞番o黎, 一飲就飲到仲有陣新鮮檸檬味, 唔使審就梗係就咁拎起d檸檬, 跟手攞番過o黎啦...
大佬呀, 家陣唔係叫凍檸奶茶喎...真係冇諗過5星級同茶餐廳都係咁上下...估佢唔到!
Saturday, June 28, 2008
10幾年前...我用過...你呢?
91-92年, sony discman, 仲有8秒放震, 行街咩餐死必備!!
93-94, 步步窒kenwood手機, 打出打唔入...
95-96, 落機呀蕉仔, 型!
96年日本買精工錶
96-97, 黃咁咁388...
1998 - 大舊到唔恨嘅數碼相機...3.3M就已經係最高像素...
Tuesday, June 3, 2008
My First New Mercedes
從來都對呢個牌子嘅車冇任何好感/興趣/慾望, 但係揸過幾架jeep/suv後, 開始有d fed up...
而家架x5又愈來愈大咬, 成$2.2一公升, 都唔係辦法; 再加上太太有o左bb, 上落高身車有d困難, 於是就開始諗o下換車喇.
試過7/8人車, toyota alphard太老細車, previa/estima太大舊, 又食油, picnic 又太舊, 唔靚; 又試過honda stepwagon, 係唔錯, 但30萬買架日本車又覺得唔太值...
又要照顧狗狗, bb, 老婆; 又唔可以太老土, 仲要慳油...睇睇o下都冇咩選擇...
一日太太睇到廣告, 見到新嘅c仔旅行車, 外型唔錯,又幾慳油, 內襱/車尾又夠大. 於是就...買呢架車, 絕對同虛榮冇關, 亦唔係人o地講嘅 '男人一生一定要擁有過benz'云云...
條車匙大支o左少少, 唔太方便
深色桃木都幾靚,當然titanium鍍銀就最正啦...恆溫冷氣,都算夠涼喇.
上面圓型呢舊多功能轉盤, 同軚盤都幾多o野玩, 連埋錶板都幾cyber look o架!!
平心而論, 揸落感覺實在唔差, 幾型之餘, 2000cc都好夠用, 上斜亦未見乏力...希望太太嘅選擇可以再一次證明其腳頭之好; 而 bb出世之後, 亦希望我呢架新嘅好兄弟可以大派用場...
Thursday, May 29, 2008
錦繡成交!
搞o左一大排, 幾經驚風散, 終於都做得成按揭, 搞掂dbs同hkmc, 完成交易喇.
原本真係打算搬入去住, 但懷孕之後嘅太太實在變化多端, 咩都估佢唔到! 而家就話覺得太遠, 唔搬喇.
本來狗狗同人都可以有較大嘅空間, 有兩層高, 又有仲有閣仔俾工人瞓, 仲有個大花園添, 除o左遠d之外, 真係fit到脾o架...
不過唔緊要啦, 希望而家可以賺少少, 得過全身而退就好了...
回想起由去年10月,11月開始睇錦繡以來, 波折重重, 有交o左票, 但第2朝臨時彈弓手唔租嘅駭突單位, 有差少少成功, 後尾俾美聯tiffany截o左糊嘅豪裝泰式單位, 之後仲有搞到一鑊粥, 差d要打官司先攞得番十萬銀嘅g2,21鬼屋, 到終於買到心頭好, 不過而家又嫌遠嘅l4,49....簡直可以用驚濤駭浪來形容.\
家陣總算各一段落了, 真的要感謝天父, 一切大步檻過, 執番身彩....
Saturday, May 24, 2008
SHAKE 'EM' BUN
真係好好味嘅漢堡包...
CWB 新寧道附近嘅SHAKE'EM' BUN. 扒厚, 料足, 汁多, 包脆, Hawaiian Surfer Girl 仲有香脆煙肉, 新鮮蕃茄同波蘿添...食落好FRESH,而且冇咁肥膩. 十個正!!
買,買,買...
距離bb出世尚有一段時間, 但就已經開始密鑼緊鼓咁張羅所需了...
當中當然少不免老婆嘅強項-----買買買!!!
呢個星期永安大減價, 老婆話格過晒全城至抵, 於是, 連續掃貨兩天...
當中留連嬰兒部嘅時間最多...
搖搖椅,
推車仔, 床仔, 圍欄, 衫仔等等...
之後再去孕婦部, 仲掃埋廚房用品, 飲品同食品...抽獎都抽到手軟; 不過埋單就...
...原來洗錢真係可以快過搵錢咁多!!!
bb用品都已經買得7788了, 不過咁早預備晒, 到時d用品唔知會唔會過時或者發霉呢?
Subscribe to:
Posts (Atom)