10幾年前...我用過...你呢?

91-92年, sony discman, 仲有8秒放震, 行街咩餐死必備!!

 

93-94, 步步窒kenwood手機, 打出打唔入...

 

95-96, 落機呀蕉仔, 型! 

 

                                                       96年日本買精工錶

                 

 

             96-97, 黃咁咁388...

 

                                                

1998 - 大舊到唔恨嘅數碼相機...3.3M就已經係最高像素...

My First New Mercedes

從來都對呢個牌子嘅車冇任何好感/興趣/慾望, 但係揸過幾架jeep/suv後, 開始有d fed up...

而家架x5又愈來愈大咬, 成$2.2一公升, 都唔係辦法; 再加上太太有o左bb, 上落高身車有d困難, 於是就開始諗o下換車喇.

試過7/8人車, toyota alphard太老細車, previa/estima太大舊, 又食油, picnic 又太舊, 唔靚; 又試過honda stepwagon, 係唔錯, 但30萬買架日本車又覺得唔太值...

又要照顧狗狗, bb, 老婆; 又唔可以太老土, 仲要慳油...睇睇o下都冇咩選擇...

一日太太睇到廣告, 見到新嘅c仔旅行車, 外型唔錯,又幾慳油, 內襱/車尾又夠大.  於是就...買呢架車, 絕對同虛榮冇關, 亦唔係人o地講嘅 '男人一生一定要擁有過benz'云云...

我最滿意車頭設計,夠young.

               

條車匙大支o左少少, 唔太方便   

             

深色桃木都幾靚,當然titanium鍍銀就最正啦...恆溫冷氣,都算夠涼喇.                         

                        

     上面圓型呢舊多功能轉盤, 同軚盤都幾多o野玩, 連埋錶板都幾cyber look o架!!

             

平心而論, 揸落感覺實在唔差, 幾型之餘, 2000cc都好夠用, 上斜亦未見乏力...希望太太嘅選擇可以再一次證明其腳頭之好; 而 bb出世之後, 亦希望我呢架新嘅好兄弟可以大派用場...

錦繡成交!

搞o左一大排, 幾經驚風散, 終於都做得成按揭, 搞掂dbs同hkmc, 完成交易喇.

原本真係打算搬入去住, 但懷孕之後嘅太太實在變化多端, 咩都估佢唔到!  而家就話覺得太遠, 唔搬喇.

本來狗狗同人都可以有較大嘅空間, 有兩層高, 又有仲有閣仔俾工人瞓, 仲有個大花園添, 除o左遠d之外,  真係fit到脾o架...

 

不過唔緊要啦, 希望而家可以賺少少, 得過全身而退就好了...

回想起由去年10月,11月開始睇錦繡以來, 波折重重, 有交o左票, 但第2朝臨時彈弓手唔租嘅駭突單位, 有差少少成功, 後尾俾美聯tiffany截o左糊嘅豪裝泰式單位, 之後仲有搞到一鑊粥, 差d要打官司先攞得番十萬銀嘅g2,21鬼屋, 到終於買到心頭好, 不過而家又嫌遠嘅l4,49....簡直可以用驚濤駭浪來形容.\

家陣總算各一段落了, 真的要感謝天父, 一切大步檻過, 執番身彩....

SHAKE 'EM' BUN

真係好好味嘅漢堡包...

 

CWB 新寧道附近嘅SHAKE'EM' BUN. 扒厚, 料足, 汁多, 包脆, Hawaiian Surfer Girl 仲有香脆煙肉, 新鮮蕃茄同波蘿添...食落好FRESH,而且冇咁肥膩.  十個正!!

 

買,買,買...

距離bb出世尚有一段時間, 但就已經開始密鑼緊鼓咁張羅所需了...

當中當然少不免老婆嘅強項-----買買買!!!

呢個星期永安大減價, 老婆話格過晒全城至抵, 於是, 連續掃貨兩天...

當中留連嬰兒部嘅時間最多...

Baby Carrier啦;

搖搖椅,

    Carseat,

     

                                                        

                                                                           推車仔, 床仔, 圍欄, 衫仔等等...

之後再去孕婦部, 仲掃埋廚房用品, 飲品同食品...抽獎都抽到手軟; 不過埋單就...

...原來洗錢真係可以快過搵錢咁多!!!

bb用品都已經買得7788了, 不過咁早預備晒, 到時d用品唔知會唔會過時或者發霉呢?

 

史上最完美之一次煎牛排

家中煎牛排幾次都唔係太成功, 今次再接再厲...效果出奇的好...正

配菜有去皮蕃茄, 蒜片, 洋蔥...

5成熟, 啱啱好!  yummy!!

一心諗住再upgrade,點知...

舊年十一月,見到架X5幾靚, 價錢又ok, 一心以為係upgrade啦; 點知揸落去先知底蘊...

 

論外型, 內襱, 真係唔錯, 鋼水手感亦一流, 不過唔夠好嘅地方真係仲多...

首先3000cc原來對呢部2000kg嘅大牛龜o黎講真係唔夠用...起步真係有抖唔切氣嘅感覺.  空間方面, 更加冇諗過原來外型大d嘅X5, 入面竟然冇HARRIER咁見使, 車尾箱尤甚....

至於設計上, 就肯定輸幾條街添...車身腳踏冇用之餘仲阻住落車添...而車箱可以儲存物件嘅地方真係少到難以置信...有Ｄ BUTTON位亦好唔細心, 唔係咁得心應手...

最後一個致命傷, 就係大食到唔恨...$2.2, $2.3一公里真係走唔甩...

如果唔係個brand夠響同2手價夠硬, 我一早就唔要佢喇...

真係估佢唔到, 9萬幾嘅99年RX300, 竟然好過27萬幾, 02年嘅X5...