o係機場發現o左呢度...原來係新嘅terminal 2...即管去8 o下先...
嘩,大,大,大!! 可能而家剩係得oasis同emirates o係呢邊check in, 所以冇乜人, 而地方又真係闊落o左不少.入面似大型商場多過機場...
樓上大部份都係食, 仲好多元化, 正!!!
有burger king, 又有檀島, 隔離仲竟然有板前添!!! yummy...
鍾意隊啤嘅有喜力bar...連d疏化, cushion都係喜力logo o架...
咪講咁多...一於整番個super whooper先....正!!
最角落有間飛行館, 大人細路都啱!哈, 有機打, 好似仲啱d喎!!
以後早o左去機場都唔駛驚冇地方hea喇
番o黎嘅路上映o左兩樣o野...最新3個轆電單車, 前面兩個, 後面一個...
....唔知係咪仲係叫電單車呢?!
嘩,睇o下西九d豪"窄"!!! 真係好似一'炸'唔同樣嘅屋村夾硬堆埋一齊咁...
呢, 至矮果兩棟就係最早賣嘅漾日居同擎天半島喇...果時仲大吹無敵海景添...而家...係冇o左個'敵'字...(無海景)...無良地產商
趁ｃｉｒｃｌｅ媽一家人去探丁丁（菲菲），我ｏ地決定成家出動，等朱古力奶會一會ｏｄｉｅ同丁丁（菲菲）．．．
結果．．．變ｏ左狗狗大集會．
睇ｏ下幾多朋友仔．．．
嘩，狗靚果然多男ｆａｎｓ喎．．．啱啱識ｏ左冇耐，咪咁開放好喎？！
咦，睇ｏ黎ｃｉｒｃｌｅ爸一見到丁丁（菲菲），就已經流口水啦喎．．．
ｏ拿，有相為證，要抺手ｏ架，哈．．．
The Fantastic 4....睇ｏ下果幾對車頭燈？？我係話隻眼呀．．．．．
轉載...
上個星期嘅半歲大金毛女丁丁, 仲未搵到新主人呀! (有關丁丁嘅身世, 可以睇呢度丁丁身世)
我最初以為, 一隻8個月大嘅金毛女, 應該好容易re-home, 見到其他差唔多大嘅金毛, 一出post就好似洗版咁, 一大堆人話要領養! 點知丁丁嘅post出左一個星期, 只係得兩個人問過! 唔通要求要絕育, 要打齊預防針, 真係咁難? 呢d好似係一個負責任嘅主人, 基本要做嘅嘢! 就算我唔要求, 都應該自動自覺去做啦! 而問過嘅兩個人, 都唔係好arm, 有個仲話睇都唔洗睇就可以帶丁丁走! 吓, 唔洗睇下隻狗先? 你唔洗睇姐, 我都要見下你掛!
暫養人阿Min嘅blog) 真係要好多謝阿Min願意收留丁丁, 仲要多謝阿Min嘅Husky愛犬Odie, 同丁丁分享佢嘅狗糧同玩具!!!今晚我地接左丁丁之後, 就出發去北角阿Min屋企啦. 其實初時有d擔心, 因為Milky細個比Husky咬過, 成日都覺得Husky好惡, 有d驚Odie會唔歡迎丁丁! 去到阿Min屋企, 見到Odie, 先知道先前嘅擔心係多餘嘅, 因為Odie真係好乖! 至於丁丁, 一去到人地屋企, 個衰妹一d都唔客氣, 第一時間走去飲Odie兜水, 同埋食Odie兜狗糧, Odie好乖仔, 由得個衰妹又食又飲! 跟住丁丁仲得寸進尺咁拎晒Odie D 玩具, 走上去Odie個狗廁所上面, 瞓埋喺度慢慢咬! Odie咁都忍得個衰妹, 真係good boy啦!!!!!
見到Odie同丁丁都玩得好夾, 仲要無吠過架, 希望丁丁乖乖地, 聽聽話話啦!
, 只係因為仲細, 又未train過， 新主人要花ｄ時間教下佢！ 
轉載........
今日發生左件好唔開心嘅事, 本來今日最後一日考試, 諗住考完可以返屋企大覺瞓, 因為尋晚只係瞓左3粒鐘! 考完行出考試局, 已經心情低落, 因為考得好差, 都係唔合格多! 跟住坐van仔出黃大仙地鐵, 落左車行行下見到有個阿嬸拖住隻大約6個月大嘅金毛, 仲要好白架(我鐘意白色金毛)! 我就梗係走埋去撩下隻狗啦, 點知……阿嬸用半咸淡廣東話同我講”你鍾意比左你呀!” 吓!!!!!!!!!!!!!!!!!!! 我以為自己聽錯, 阿嬸就再講 “我都諗住唔要架啦, 家下拎去後山放生!” 吓!!!!!!!!!!!!!!!!!!!!!! 我即時係完全唔識比反應! 當時有個OL喺隔離聽到, 就問阿嬸做咩要”放生”, 阿嬸唔問由自可, 一問就一 “輪”咀講, 原來隻狗係佢個女養嘅, 年頭BB果時帶返黎, 最近個女成個月無番屋企, 好似係因為識左個男仔, 阿嬸打過好多次比阿女, 話如果佢再唔返就比左隻狗人, 個女就叫阿嬸自己鍾意點就點, 佢唔會理! 阿嬸就話 “咁大隻狗邊有人要呀, 我地住公屋架! 無人要咪放生囉!” 我同OL姐姐都有同阿嬸講叫佢唔好, 我地幫佢問下有無人要, 阿嬸開始唔耐煩, 仲話”你地要就要啦, 唔要就放生, 唔好咁煩啦!” 眼見阿嬸想走, 我同OL 姐姐就叫住佢叫佢比我地啦, 阿嬸即時好似甩難咁比條狗帶我地! OL姐姐同我一齊去左附近一間pet shop, 睇下可唔可以收留住佢先, 我地再搵人領養, 點知pet shop唔肯收, 因為佢無針紙, 如果有咩事佢地唔負責! 咁點算好? OL姐姐食完lunch要趕返工, 如果我帶返屋企實比CoCo爸將我剷上天花板!!!! 我就諗起果時CoCo個trainer, 我就打比佢, 佢話無問題, 可以放喺佢度! 於是我就帶左狗狗去筲箕灣鄧師傅度寄養住幾日先, 師傅好好人呀, 佢仲記得CoCo , 佢話 “CoCo好叻仔呀, 果時一個禮拜就學識晒d嘢啦!” 師傅仲話唔收錢住, 遲d先算喎!
有無人有意收養佢, 或者可唔可以有人暫養住先? (如果有人可以暫養住先, 會先同佢絕左育先比人領養)
名字: 丁丁(好似係, 因為阿嬸半咸淡咁叫佢做 “丁丁”! 不過叫佢佢好似唔係好識應!)
性別: 女
年齡: 6至8個月
性格: 仲係bb性格, 見到狗就好貪玩, 開心會撲起身, 喺pet shop 磅過大約16kg重, 同佢坐車佢好定, 由我見到佢開始到去到師傅度見到好多狗好興奮, 都無吠過, 好乖! 我諗佢都好痴人, 可能佢真係知道比人遺棄, 離開左舊主人之後好似有d唔知點算好咁, 試過坐喺度唔肯行! 後來跟左我一陣, 我同佢映相, 好難映, 第一因為係用電話映, 唔清, 第二係因為我叫佢坐低之後, 要向後行幾步先映到, 佢以為我走, 行返埋黎坐喺我腳邊, 仲伸一隻手仔wer我 ! 果下我個心好酸, 直頭想喊出黎! 反覆試左好多次先映到一張, 我會帶部相機去再映過d清d嘅
領養要求: 要出示住址證明, 可能要先家訪, 會為佢絕育者優先考慮, 領養唔係先到先得, 請大家唔好介意可能要問好多問題.
