丁丁去左暫養屋企啦!

轉載...

上個星期嘅半歲大金毛女丁丁, 仲未搵到新主人呀!  (有關丁丁嘅身世, 可以睇呢度丁丁身世)

我最初以為, 一隻8個月大嘅金毛女, 應該好容易re-home, 見到其他差唔多大嘅金毛, 一出post就好似洗版咁, 一大堆人話要領養!  點知丁丁嘅post出左一個星期, 只係得兩個人問過!  唔通要求要絕育, 要打齊預防針, 真係咁難?  呢d好似係一個負責任嘅主人, 基本要做嘅嘢!  就算我唔要求, 都應該自動自覺去做啦!  而問過嘅兩個人, 都唔係好arm, 有個仲話睇都唔洗睇就可以帶丁丁走!  吓, 唔洗睇下隻狗先?  你唔洗睇姐, 我都要見下你掛! 

一直放喺鄧師傅度都唔係辨法, 續日計都好襟計!  好好彩, 有兩位好心網友都話可以暫養住丁丁先, 所以今晚我地就送左丁丁去網友阿Min度暫住!  (

暫養人阿Min嘅blog)  真係要好多謝阿Min願意收留丁丁, 仲要多謝阿Min嘅Husky愛犬Odie, 同丁丁分享佢嘅狗糧同玩具!!!

今晚我地接左丁丁之後, 就出發去北角阿Min屋企啦.  其實初時有d擔心, 因為Milky細個比Husky咬過, 成日都覺得Husky好惡, 有d驚Odie會唔歡迎丁丁!  去到阿Min屋企, 見到Odie, 先知道先前嘅擔心係多餘嘅, 因為Odie真係好乖!  至於丁丁, 一去到人地屋企, 個衰妹一d都唔客氣, 第一時間走去飲Odie兜水, 同埋食Odie兜狗糧, Odie好乖仔, 由得個衰妹又食又飲!  跟住丁丁仲得寸進尺咁拎晒Odie D 玩具, 走上去Odie個狗廁所上面, 瞓埋喺度慢慢咬!  Odie咁都忍得個衰妹, 真係good boy啦!!!!! 

  見到Odie同丁丁都玩得好夾, 仲要無吠過架, 希望丁丁乖乖地, 聽聽話話啦!

update下丁丁近況先,  尋日我同CoCo 爸帶左佢睇vet, vet估計佢最少都有8個月大 (而唔係阿嬸所講0既6個月), 因為無針卡, 所以vet建議打返兩支預防針會穩陣d, 尋日打左一針, 7月要再打多一針. 尋日同佢杜埋虫. Vet話佢身體無問題, 好健康. 因為佢已經8個月大, 要驗左血先可以開始食心絲虫藥. 如果兩個星期後都未搵到新主人, 就會同佢去 驗埋血先.   

其實丁丁真係好可愛架, 佢身形好細, 得16kg左右, 我諗佢大定左之後最多都係22kg左右, vet都話佢係細身, 同埋佢好乖好少吠, 尋日同佢打完針之後去左散步, 佢都唔係太搶繩, 不過就好似對咩都好好奇咁, 可能之前主人無同佢出街啦! 佢見到狗就會撩人玩, 不過都無吠過!! 佢真係好乖好可愛架 , 只係因為仲細, 又未train過，　新主人要花ｄ時間教下佢！

大家幫下手，　幫丁丁搵個好歸宿啦! Thanks!!!!