二奶廚神@囉拔神

公司一女同事嗜烹好飪, 周不時都會包午飯/蛋糕/西餐/甜品/糖水, 好開心咁虐待我個肚腩...

上次已經食過一次嘅自家制漢堡飽, 再次食過番尋味....

原本係正宗有芝麻果d漢堡飽, 今次冇貨, 用第2種頂住先....

嘩, 雙層牛肉, 牛肉多汁, 仲有蕃茄, 再'嬸'芝麻, 做型十足....死未??

雖然麵包細細, 但勝在肉厚多料, 食完之後仍有飽到上心口嘅感覺.

嘩!食得好滋味...

雖然冇出面舖頭d咁sophisticated, 愛心/手工搭夠有突啦...(不過要收$$喎...)

呢d貨色(指個女同事), 唔睇得都煮得, 做二奶, 真係要諗諗....

媽媽shots

映得多b女d ultra sound, 都好應該幫大肚婆映番d相, 記錄一吓馱bb嘅歲月...

shopping本質冇變...

 

 

               未出世, b女d衫已經可以放滿三個紅白藍....       

                      

好彩d皮膚仲算白淨, 又未巢皮啫, 如果唔係點襯到咁白嘅background???

                                        樓梯只不過係背景, 唔好以為佢會行上去得o架...

美味拉麵重現香江!!

o係日本食過, 好好味嘅拉麵-山頭火(東京, 大阪, 北海道都有), 幾年前o係銅鑼灣開檔, 點知有其形,冇其heart; 有頭威,冇尾陣, 最後迫住要執笠, 令我哋一班拉麵精痛失一個食正宗拉麵嘅好地方....

好開心, 最近新開嘅吉之島竟然發現佢嘅重生...

              

 

                  Signature Dish : Toriniku Ramen, 絕非一般硬柴义燒, 夠入味, 又多汁 

加埋牛油粟米, 非常原祖北海道...

           

                               整麵師傅清一色日本人, 似乎真係直營店, 信心大增!!

最緊要仲係, 呢度d清水係同日本拉麵店一樣, 不斷添加, 唔會好似以前o係銅鑼灣果間咁, 死都唔俾凍水你, 迫你飲o野...讚!!!!

tea@蘭芳園

好耐冇去過囉...今次坐元祖店...風味一流!!

豬泵兜撈丁...啱你食啦!...哈哈!

                                                                                   懷舊咖吔西多!!

          

嗱,撈丁呀

舊茶餐廳地上例牌出現嘅動物...  

High Tea@MO

VIEW? 欠奉...

o野食? ok嘅...

                    

              呢個擺設反而幾好!!

            

muffin 都幾好食!!

係唯一service就爭d喇, 話說點o左凍奶茶,佢就o黎o左凍檸茶....

唔啱咁就叫換啦, 一分鐘之後就話都冇咁快搞掂攞番o黎, 一飲就飲到仲有陣新鮮檸檬味, 唔使審就梗係就咁拎起d檸檬, 跟手攞番過o黎啦...

大佬呀, 家陣唔係叫凍檸奶茶喎...真係冇諗過5星級同茶餐廳都係咁上下...估佢唔到!