coco出事一個月...

這兩天我們開始重新帶牠落樓下, 都似乎行得不太差了...

現在透過每周再做水療和針灸, 希望coco可以再行得好一點, 和可以自己大小就太好了!!!

晴晴識得叫家姐...??

仲識叫milky'sit,sit,sit'???

Coco 接受專業嘅上門治療

為o左令到coco可以行得好d, 我o地重金禮聘o左成間公立醫院嘅職業治療部上門為coco進行至專業嘅職業治療!!

                                          

               

整番個架固定隻腳先!!

一邊coco接受治療, 另一邊就開人狗playgroup!

嗱, 以後唔好話因為有bb而唔要d狗啦...邊個話佢o地一定唔可以並存呢??

個hello kitty 背囊好襯sheryl, 多謝uncle eddie & auntie cat!

                                                      呢d就係所謂嘅'重金'喇....

不過又有支sake回贈喎, 飲唔晒仲俾我據為己有添....heee...he....多謝晒喎!

就用o黎慶祝coco驗血發現冇牛脾毒啦!!

                                                 大人細路都咁好味!!!

 

總算有點進步了!! coco奸巴爹!!

coco出事已經過了三個星期, 現在總算能站立起來了...

雖然不太穩陣, 時間亦不能維持不久; 也算是一個很明顯的進步了!!

希望coco可以多一點,快一點康復吧....大潭, 泳池都等緊你呀!!!

 

Coco加油!!!!!

 

振作精神, 今日正式開始同coco做therapy, 先做針灸...

 

成身都係針搞到coco周身唔自在...

 

針完之後就去試吓水療...成隻狗生晒...

 

游水係coco強項, 雖然後腳唔郁得, 依然博命游來游去...

 

 

再做水中跑步機...由於後腳未有知覺, 所以先先開始俾佢試吓企嘅感覺...
(co 仔著住果件救生衣其實都幾有型, 老豆呀媽已經決定要買番件!!!)

 

番到屋企成隻散晒...大覺索!!

Coco你要俾d心機, 雖然唔知幫到你幾多, 但一定要加油努力呀!!! 奸巴爹!!!!!

還是爸爸不好...

Co仔, 你好像知道自己有事, 走不動似的...

 

回家幾天你都仍是沒精打彩, 失去信心; 跟以前崩崩跳跳的你大相逕庭!!

爸爸媽媽看在眼裡, 真的很心痛, 心傷...

思前想後, 還是爸爸的錯...我不應該天天也給你和妹妹到樓下跑硬地,

                                              以為你會喜歡這個大花園, 原來卻是害了你...

                      更不應該讓你肆無忌憚, 橫衝直撞地玩波波,

還以為你這樣彈跳起來, 充滿活力, 很健康似的, 但原來會帶來這樣嚴重的後果....    

                       

一切種種其實都與你無關你, 而是人類的錯誤決定和有限知識, 使你今次不幸受傷...全是爸爸責任, 對不起, 真的對不起!!!!!!

然而, 你還未夠5歲啊, 絕不應該這麼容易便服輸的.  爸爸媽媽和你都要抖擻精神, 用盡所有方法使你快點站起來!!!  你也不要這麼容易便放棄呀!!!

爸爸媽媽和sheryl等著和你一起行大潭呀!!!  Milky也在等著你跑過去打她的呢!!!  come on!!!!

仔, 我們等著你回來...

仔, 你搞什麼鬼, 又要爸爸媽媽擔心你呀...??

上星期五, 我剛剛和你行完街街, 玩完波波, 回家一會就開始嘔吐大作, 之後我們就發現你後半身完全動彈不得...跟中風的徵兆十分相似....

爸爸媽媽大驚, 爸爸使出畢生功力, 用15分鐘從小西灣飛車到太平道診所...急証室醫生都懷疑你spinal cord有問題, 令下肢癱瘓...

為了進一步了解病情, 必須要照MRI, 而從那一晚起, 你就開始留醫生涯了!!!

腳仔唔行得, 地方又陌生, 難怪你會沒精打彩啦...

媽媽,姨姨,姑婆和我都天天都來探你, 看見你這個可憐的模樣, 不知流了多少次眼淚...

                        手仔又要打drip, 而且還兩隻手輪流打...最後你又忍不住要咬drip...

  再加上你又郁身郁勢, 令到個床墊移位, 手踭就當然爆缸收場啦...

 

所以, 原本你個牌板好簡單...

第2日, 即刻多o左要瞓軟床同bite drip.......正衰仔!!

經診斷後, 醫生推斷你是FCE, 大約就是有東西走進了血管裡, 阻礙了血液循環, 令到下半身得不到應有的血液和養份, 所以不能自已...

我們都十分晴天霹靂, 雖然醫生說8-9成的狗狗都可以恢復某程度上的走路能力, 但仍然擔心不已...

媽媽收拾心情, 開始幫你做運動, 以免你的肌肉太快壞死.

                                           私人物理治療, 學站立中...

deep pain 測試ing

就連公公也來跟你做'馬殺雞'啊!

一個星期了, 雖然你開始重新有少少反應, 但距離可以自己走路還相差很遠呢...你才四歲九個月, 絕不能這麼窩囊呵...要發揮你平時追波波時的'勇往直前'及吃東西時的'鍥而不捨'的精神, 快點給我站起來走路啊!!! 爸爸媽媽還要跟你和milky & sheryl一起去大潭行山和去屯門游泳呢!!!

然而你不用擔心, 雖然你現在不能自己去大小便, 也有可能以後都不能再站起來, 再加上我們要同時照顧你跟兩個妹妹而疲於奔命, 爸爸媽媽從來也沒有一刻想過, 也是絕對, 絕對不會放棄你的!!

Coco仔, 我們都等著你回來.

湊b不忘湊狗

 湊bb之餘, 間唔中都要同狗狗出去玩吓, 除o左行山同游水之外, milky 仲有呢個活動!!

今次係拜訪幼稚園!!            

          

                                            嘩, 人聲頂沸, 好多小朋友, 好熱情呀...

仲好多隻手搞我添.......

好彩有番d兄弟姊妹分擔吓啫...

哈, 仲有d甜頭添!

咦? 朋友仔撩我玩喎...不過爸爸話而家開緊工唔玩得住, 如果唔係可能會嚇親d小朋友....

 

終於收工喇, 一於慰勞吓人同狗先...

 

            

行完山之後開心番晒!!!

My Two Sweethearts' Birthday---Behind The Scene...

Scene Number 1 : 到底coco同milky同一時間食同一份量嘅蛋糕時, coco可以快過milky幾多就食完呢...??

答案係 : 5秒 vs 35秒, 兩個足足有半分鐘之差...全因一個吊喉吞vs一個慢慢嘆...

 

 Scene number 2 : 點解coco永遠都識得乘機博亂嘅呢??? (請留意左下角狗頭...)

答案係 : 1. 佢太似佢老豆 (即係我), or 2. coco前世應該係餓死嘅...

My Two Sweethearts' Birthday

13號是milky的4歲生日, 也是bb你6個月大的日子了...

我們先為家姐慶祝,媽媽負責弄生日蛋糕,仍然是骨骨型,但今次就是香蕉味道.

sheryl : 咦? 家姐, 咁啱嘅?? 乜今日係你生日, 唔係我咩??

milky : 妹妹, 你係6個月, 未夠一歲未算生日, 我今日就四歲, 真係生日喇!!

sheryl : 咁...呢個蛋糕我有冇份呀?? o黎啦...請我食少少啦!!

milky : 你咁細個, 未食得住o架, 遲啲先啦; 而且呢度都唔係由我話事嘅!

sheryl : ....咁不如我o地手拖手同媽咪映番張相吖...咁先係兩姊妹嘛...哈哈!!

                       

 

                        最後原來連coco咩都唔使做, 無啦啦有得食, 最著數係佢喇!!

下午茶時間, 我們約了爺爺嫲嫲一起先去太古城逛街和high tea...

很久沒有映全家福了!!!

                                                                  似乎爸爸和你的品味都差不多呢!!

         回家晚飯後, 終於到切蛋糕時間了...工人姐姐的攝影技術真是十年如一日....

                    

                                      sheryl : 咦? 嫲嫲, 唔係慶祝我生日咩? 點解我冇得食嘅???  

                                                         

 sheryl : 嫲嫲, 獨食難肥呵....

                                                                                    嫲嫲 : ....唔...好味道!

                                     sheryl : 哼!  真係冇我份???  第日我大個一定要食番夠本!!!