公司一女同事嗜烹好飪, 周不時都會包午飯/蛋糕/西餐/甜品/糖水, 好開心咁虐待我個肚腩...
上次已經食過一次嘅自家制漢堡飽, 再次食過番尋味....
原本係正宗有芝麻果d漢堡飽, 今次冇貨, 用第2種頂住先....
嘩, 雙層牛肉, 牛肉多汁, 仲有蕃茄, 再'嬸'芝麻, 做型十足....死未??
雖然麵包細細, 但勝在肉厚多料, 食完之後仍有飽到上心口嘅感覺.
雖然冇出面舖頭d咁sophisticated, 愛心/手工搭夠有突啦...(不過要收$$喎...
呢d貨色(指個女同事), 唔睇得都煮得, 做二奶, 真係要諗諗....
映得多b女d ultra sound, 都好應該幫大肚婆映番d相, 記錄一吓馱bb嘅歲月...
shopping本質冇變...
未出世, b女d衫已經可以放滿三個紅白藍.... 
好彩d皮膚仲算白淨, 又未巢皮啫, 如果唔係點襯到咁白嘅background???
樓梯只不過係背景, 唔好以為佢會行上去得o架...
o係日本食過, 好好味嘅拉麵-山頭火(東京, 大阪, 北海道都有), 幾年前o係銅鑼灣開檔, 點知有其形,冇其heart; 有頭威,冇尾陣, 最後迫住要執笠, 令我哋一班拉麵精痛失一個食正宗拉麵嘅好地方....
好開心, 最近新開嘅吉之島竟然發現佢嘅重生...
Signature Dish : Toriniku Ramen, 絕非一般硬柴义燒, 夠入味, 又多汁
加埋牛油粟米, 非常原祖北海道...
整麵師傅清一色日本人, 似乎真係直營店, 信心大增!!
最緊要仲係, 呢度d清水係同日本拉麵店一樣, 不斷添加, 唔會好似以前o係銅鑼灣果間咁, 死都唔俾凍水你, 迫你飲o野...讚!!!!
VIEW? 欠奉...
呢個擺設反而幾好!!
muffin 都幾好食!!
係唯一service就爭d喇, 話說點o左凍奶茶,佢就o黎o左凍檸茶....
唔啱咁就叫換啦, 一分鐘之後就話都冇咁快搞掂攞番o黎, 一飲就飲到仲有陣新鮮檸檬味, 唔使審就梗係就咁拎起d檸檬, 跟手攞番過o黎啦...
大佬呀, 家陣唔係叫凍檸奶茶喎...真係冇諗過5星級同茶餐廳都係咁上下...估佢唔到!
91-92年, sony discman, 仲有8秒放震, 行街咩餐死必備!!
93-94, 步步窒kenwood手機, 打出打唔入...
95-96, 落機呀蕉仔, 型!
96年日本買精工錶
96-97, 黃咁咁388...
1998 - 大舊到唔恨嘅數碼相機...3.3M就已經係最高像素...
從來都對呢個牌子嘅車冇任何好感/興趣/慾望, 但係揸過幾架jeep/suv後, 開始有d fed up...
而家架x5又愈來愈大咬, 成$2.2一公升, 都唔係辦法; 再加上太太有o左bb, 上落高身車有d困難, 於是就開始諗o下換車喇.
試過7/8人車, toyota alphard太老細車, previa/estima太大舊, 又食油, picnic 又太舊, 唔靚; 又試過honda stepwagon, 係唔錯, 但30萬買架日本車又覺得唔太值...
又要照顧狗狗, bb, 老婆; 又唔可以太老土, 仲要慳油...睇睇o下都冇咩選擇...
一日太太睇到廣告, 見到新嘅c仔旅行車, 外型唔錯,又幾慳油, 內襱/車尾又夠大. 於是就...買呢架車, 絕對同虛榮冇關, 亦唔係人o地講嘅 '男人一生一定要擁有過benz'云云...
條車匙大支o左少少, 唔太方便
深色桃木都幾靚,當然titanium鍍銀就最正啦...恆溫冷氣,都算夠涼喇.
上面圓型呢舊多功能轉盤, 同軚盤都幾多o野玩, 連埋錶板都幾cyber look o架!!
平心而論, 揸落感覺實在唔差, 幾型之餘, 2000cc都好夠用, 上斜亦未見乏力...希望太太嘅選擇可以再一次證明其腳頭之好; 而 bb出世之後, 亦希望我呢架新嘅好兄弟可以大派用場...
