嘩...靚仔一個...

cute 爆期with迷人腰果眼

指天篤地期-油脂始祖

靚仔可愛期...

斯文怕醜期...

過度活躍期, 仲開胸添...

唔...開始變形期...

噢...阮兆祥型之孖潤腸期

嘩, 一睇對單眼皮, 就知係呀RAIN期啦...

               

                                     憤怒少年, 許志安期...嘩! 靚仔到吖...

熱血青年期...總算好番d囉...

似番個人期

大好青年期

成熟穩重期

                           

                                        如花-無聊搞笑期

有型有款期  

 

 

一頓美味嘅膽固醇餐...

從來最冇益嘅食物就係最美味嘅, 為o左食, 又係用番 '間唔中食一次, 冇事嘅...' 呢個藉口...

先o黎一碟'大哥义燒'...

                                                            半肥瘦, 皮脆兼薄, 不過d油就...

聖子到....呢碟應該好少少, 不過聖子熟o左d...唔緊要啦, 都係想食d蒜蓉粉絲啫...

                       好彩仲有碟菜溝淡吓, 但好戲在後頭...

                                                  膽固醇之霸....

                                    12兩嘅黃油蟹, 究竟有幾多 '果叻士他爐' 呢??

埋單前有杯o野送, 呀姐話係甘荀+檸檬, 有助減低膽固醇喎...9秒9, 一飲而盡!!

一句到尾 : 下次仲食唔食??? 仲問, 開定位等我啦!!!

SPECIAL THX. TO COCO MA.

由細食到大嘅茶餐廳...

老家樓下有一茶餐廳, 打從小學開始, 已經光顧此店.  現在雖然不再住附近, 但一有空檔, 仍舊專程幫襯.

       

一間茶餐廳, 能夠經營超過四十年, 當真不易!!  肯推陳出新, 設計出如此新穎logo, 更加值得一讚!!

室內已裝修過數次, 但仍舊保持其地道街坊風格.  (圖中收銀呀姐其實係太子女, 由十幾歲坐到而家, 仔女都已經十幾歲...)

記憶中餐廳最初只有此三個套餐, 不過其實午餐=特餐=茶餐=可以亙換也. 
(以往好似只收15蚊...凍飲+5毫...)

現在選擇固然多, 但最後點的還是老套餐...

雞湯火腿媽通粉...濃淡適中.

一隻熱狗, 沒有一級麵粉做嘅麵包, 沒有粗大香腸, 沒有名貴醬料, 普通過普通; 但麵包脆, 香腸熱, 沙律醬香, 仍是美味無窮!!!

                           傳統與新穎之crossover. (新果d未試過, 唔知好唔好食...)

 

特色街坊甜品

筲箕灣小店翠苑, 有如此特色甜點. 

別以為中間的一點係污嘈o野, 其實係燉奶入面, 暗藏嘅合桃露!!!

燉奶既香且滑, 半固體中間夾有流質嘅合桃露, 出奇的'夾'!! 

除了合桃露燉奶之外, 還有芝麻糊燉奶, 一樣好味...十幾蚊, 剩計手工都抵啦!!

唯一美中不足係, 一碗而盡也實在是太飽了....

二奶廚神@囉拔神

公司一女同事嗜烹好飪, 周不時都會包午飯/蛋糕/西餐/甜品/糖水, 好開心咁虐待我個肚腩...

上次已經食過一次嘅自家制漢堡飽, 再次食過番尋味....

原本係正宗有芝麻果d漢堡飽, 今次冇貨, 用第2種頂住先....

嘩, 雙層牛肉, 牛肉多汁, 仲有蕃茄, 再'嬸'芝麻, 做型十足....死未??

雖然麵包細細, 但勝在肉厚多料, 食完之後仍有飽到上心口嘅感覺.

嘩!食得好滋味...

雖然冇出面舖頭d咁sophisticated, 愛心/手工搭夠有突啦...(不過要收$$喎...)

呢d貨色(指個女同事), 唔睇得都煮得, 做二奶, 真係要諗諗....

媽媽shots

映得多b女d ultra sound, 都好應該幫大肚婆映番d相, 記錄一吓馱bb嘅歲月...

shopping本質冇變...

 

 

               未出世, b女d衫已經可以放滿三個紅白藍....       

                      

好彩d皮膚仲算白淨, 又未巢皮啫, 如果唔係點襯到咁白嘅background???

                                        樓梯只不過係背景, 唔好以為佢會行上去得o架...

美味拉麵重現香江!!

o係日本食過, 好好味嘅拉麵-山頭火(東京, 大阪, 北海道都有), 幾年前o係銅鑼灣開檔, 點知有其形,冇其heart; 有頭威,冇尾陣, 最後迫住要執笠, 令我哋一班拉麵精痛失一個食正宗拉麵嘅好地方....

好開心, 最近新開嘅吉之島竟然發現佢嘅重生...

              

 

                  Signature Dish : Toriniku Ramen, 絕非一般硬柴义燒, 夠入味, 又多汁 

加埋牛油粟米, 非常原祖北海道...

           

                               整麵師傅清一色日本人, 似乎真係直營店, 信心大增!!

最緊要仲係, 呢度d清水係同日本拉麵店一樣, 不斷添加, 唔會好似以前o係銅鑼灣果間咁, 死都唔俾凍水你, 迫你飲o野...讚!!!!