要全家出動上鏡, 明顯是媽媽的意思, 幸好你的樣子尚算可愛, 而爸爸拍的照片也不太差. 於是, 我們一家就在這本雜誌出現了!! (當然不是封面那個bb啦...)
你也真懂得宣傳呢, 還會用手遮著另外一頁人家的名字來突出自己...
哈, 內容還有coco和milky呢!! 但似乎大家都只是擔心你長大一點後會欺負牠們噢...'精靈可愛小人兒'...留個記念也真不錯呵!!
Monday, May 4, 2009
Saturday, April 18, 2009
一個不可多得的四十年...
人生, 可以有多少個四十年呢?
一段情感關係, 又可以有多少個四十年呢??
四十年以來, 仍能把感情恆常保鮮, 歷久常新, 這正是我的父親母親!!
從前, 總覺得爸媽的確是一雙大悶蛋, 爸爸尤甚; 做同一份工作可以做足三十年, 每天如是的上班, 下班, 吃飯, 睡覺; 同樣地,從前總覺得跟一個伴侶一起天長地久, 也實在是一件匪夷所思的事情, 很難想像到天天跟同一個臉孔相處可以有多興奮...
人大了, 也自然成熟了; 認定伴侶結婚後, 開始懂得珍惜關係, 實習相處之道; 生了小孩不久, 亦明白到當中的綿乾絮濕, 含辛茹苦.
重新思考, 發覺要維持一段恆常保鮮的關係, 實在不易; 要建立一個健康快樂的家庭, 更加是一項長期的抗爭. 漸漸開始懂得去欣賞爸爸媽媽那份恆久而堅毅的精神, 而相信那份堅持著一生不變的愛情, 感情及態度, 便是當中的最大原動力.
真的不得不從心底裏向他們說一聲佩服!!
感情要維持歷久常新?? 工作上的沮喪, 生活上的壓力, 照料孩子的重擔, 理想與現實的矛盾有時也真的令人十分懊惱; 曾經聽過及見過父母的爭執, 漫駡又何止手指之數; 吊詭的是, 一輪冷戰過後, 不知怎的, 他們又好像沒什麼事發生過一樣, 如常生活, 照顧小孩, 甚至很快又手牽手的拍著拖逛街去了...能夠不斷重複地把臉紅耳熱轉化回如膠似漆, 這不是什麼特別的化學作用, 相信就是傳說中的"吵架前後的相處藝術"吧!! 從另一個角度看, 原來這也是一種令人羨慕的浪漫啊!! 當中"忍一時"及"退一步"的技巧, 絕對是學習相處之道時的一堂必修科!
電視廣告也有提及 : 父母就是孩子的榜樣...
年幼時總是要依賴父母, 無時無刻都需要他們的照料, 也毫無疑問地聽從他們的說話; 稍為長大後, 自以為有了一點點的成熟思想時, 父母的說話一般都變成了"耳邊風", 受朋輩的影響也變得更深 . 過了年少輕狂的時代後, 有幸建立自己的一個家庭, 開支散葉, 不自覺地認同了父母的方向及態度, 於是又回到兩老身邊. 常常想帶同一家幾口回老家吃飯, 看看自己以前的房間變得多整齊, 從同一扇窗向外遠望那幾十年不變的小山丘, 聽聽父母的'常哦'教誨及他們逗玩孫兒時的玩樂聲...實在很有一種說不出的快慰及安全感!!
要不是父母對家庭和感情上的堅持和穩定, 數十年如一日地提供著一個恆常健全的家庭狀況, 給我一個默默堅持, 而又不失浪漫的榜樣, 相信也不會有今天改變了許多的我.
此刻的我, 明白到人生的路, 也是像時代巨輪一樣, 不斷地反覆而又向前走.
過往時常希望與眾不同, 日日刺激日日新; 現在却發現平淡是福, 天天回家天天'冧'!
我也開始不斷地提點自己要樹立一個更好的榜樣, 好讓日後女兒能夠用以借鏡; 而且, 也希望能夠親自去建立另外一個幸福快樂的家庭, 更加渴望和兩老一樣, 將來能夠跟伴侶可以與下一代一起慶祝一個不可多得的'sweet sweet'四十週年...
能夠像父母一樣, 愛情保鮮, 歷久常新, 不論任何年紀, 去到世界任何一個角落, 做任何一件事情, 也是手拖著手, 并肩同行...這是一件多麼幸福和浪漫的場景啊!!
爸爸媽媽, 紅寶石婚快樂, 能夠找到終身伴侶, 而且一起超過四十年, 羨慕之餘也實在替你們高興! 祝身體健康!! 笑口常開, 更期待著跟你們慶祝金婚紀念!!!
Thursday, April 16, 2009
My Two Sweethearts' Birthday---Behind The Scene...
Scene Number 1 : 到底coco同milky同一時間食同一份量嘅蛋糕時, coco可以快過milky幾多就食完呢...??
答案係 : 5秒 vs 35秒, 兩個足足有半分鐘之差...全因一個吊喉吞vs一個慢慢嘆...
Scene number 2 : 點解coco永遠都識得乘機博亂嘅呢??? (請留意左下角狗頭...)
答案係 : 1. 佢太似佢老豆 (即係我), or 2. coco前世應該係餓死嘅...
Monday, April 13, 2009
My Two Sweethearts' Birthday
13號是milky的4歲生日, 也是bb你6個月大的日子了...
我們先為家姐慶祝,媽媽負責弄生日蛋糕,仍然是骨骨型,但今次就是香蕉味道.
sheryl : 咦? 家姐, 咁啱嘅?? 乜今日係你生日, 唔係我咩??
milky : 妹妹, 你係6個月, 未夠一歲未算生日, 我今日就四歲, 真係生日喇!!
sheryl : 咁...呢個蛋糕我有冇份呀?? o黎啦...請我食少少啦!!
milky : 你咁細個, 未食得住o架, 遲啲先啦; 而且呢度都唔係由我話事嘅!
sheryl : ....咁不如我o地手拖手同媽咪映番張相吖...咁先係兩姊妹嘛...哈哈!!
最後原來連coco咩都唔使做, 無啦啦有得食, 最著數係佢喇!!
下午茶時間, 我們約了爺爺嫲嫲一起先去太古城逛街和high tea...
很久沒有映全家福了!!!
似乎爸爸和你的品味都差不多呢!!
回家晚飯後, 終於到切蛋糕時間了...工人姐姐的攝影技術真是十年如一日....
sheryl : 咦? 嫲嫲, 唔係慶祝我生日咩? 點解我冇得食嘅???
嫲嫲 : ....唔...好味道!
sheryl : 哼! 真係冇我份??? 第日我大個一定要食番夠本!!!
Sunday, April 12, 2009
去完大潭去赤柱
昨天去完大潭, 今天又馬不停啼, 去了赤柱走透透!!
實在太多人, 所以大部份嘅相都只好挨晒埋牆映...
我o地就有漢堡包食!!
食完奶奶幾開心?! bb真係易滿足呵...
梗係唔少得媽咪嘅必然節目, shopping啦!!
Subscribe to:
Posts (Atom)